زاهد علي عباسي
زاهد علي عباسي
زاهد علي عباسي(علي زاهد): نئين ٽهيءَ جي ليکڪ ۽ شاعر، علي زاهد جو اصل نالو زاهد علي عباسي آهي. هن 15 آگسٽ 1973ع تي خانپور، تعلقي خيرپورناٿن شاهه، ضلعي دادوءَ ۾ جنم ورتو. ابتدائي تعليم مقامي طرح حاصل ڪري گريجوئيشن ڪيائين. گڏوگڏ ڊپلوما پڻ ڪيائين. سماج سڌارڪ ۽ صحافي به آهي، هن ڪالم لکڻ جي شروعات جاڳو اخبار کان ڪئي. ان کان علاوه روزاني هلچل، سچ، سنڌو، عبرت مئگزين، سنڌو ڊائجسٽ، تعمير سنڌ ۽ سوڀ ۾ 2000 کان وڌيڪ آرٽيڪل، ڪالم ۽ ايڊيٽوريل لکي چڪو آهي. روزاني شام ۽ هلچل ۾ سب ايڊيٽر، روزاني سچ، سنڌو ۽ تعمير سنڌ ۾ ايڊيٽوريل صفحي جو انچارج به رهيو. هن سنڌ ۽ پنجاب ۾ ڪيترن ئي ٻرندڙ مسئلن تي ڪيترائي اسٽريٽ ٿيٽر ڪري ماڻهن ۾ سجاڳي آڻڻ جي ڪوشش ڪئي آهي. پاڻ به اسٽيج تي ڪيترائي ڊراما ڪري چڪو آهي. ڪي. ٽي. اين تي هڪ ڊرامي ’هوءَ اڪيلي‘ ۾ مرڪزي ڪردار ادا ڪيائين. سماجي تبديليءَ جي حوالي سان ڪيترائي فيچر لکي چڪو آهي. سندس شاعريءَ جو هڪ مجموعو ’ناچڻي‘ 2011ع ۾ ڇپجي چڪو آهي کيس ڪيترائي مڃتا اوارڊ پڻ ملي چڪا آهي، پاڻ سماجي حوالي سان مختلف اين جي اوز سان به لاڳاپيل رهيو آهي.
لفظ زاهد علي عباسيھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1973.08.15 عيسوي
نئين ٽهيءَ جي ليکڪ ۽ شاعر، علي زاهد جو اصل نالو زاهد علي عباسي آهي. هن 15 آگسٽ 1973ع تي خانپور، تعلقي خيرپورناٿن شاهه، ضلعي دادوءَ ۾ جنم ورتو.
شخصيتون - ڀاڱي جون ٻِيون داخلائون
ڀلي ڏنو ڀوڳائيامام اوزاعي سنڌي
امداد حسين
يارو فقيرريڍار
جالينوس
بيگم غلام حسين هدايت الله
شجاع ٺٽوي
صادق ميمڻ
ميان محمد صادق نقشبندي ٺٽوي
عائشه خاتون چنا